عايزة تنكدى على جوزك ادخلى وشوفى هههههههه

اللى عايزة تنكد على زوجهـا تتفضل تتبع هذه النصائح :
--------------------------------------------------------------------------------
1- داومى على السهر امام التليفزيون ، وعدم الاستيقاظ معه صباحا ، حتى يشعر بقيمتك .

2- امتنعى عن دخول المطبخ واعداد الوجبات ، ومن الافضل أن تطلبى وجبات جاهزة من المطاعم ، تضمنى راحة باله ، وخلو جيبه .

3- اظهرى له بشكل بشاعة وقبح ، بشعر منكوش ، مكياج أى كلام ، ثياب مبهدلة ، زى ملابس المتسولين ،

4- داومى على التنكيد عليه هاتفيا حتى فى عمله ، فينك ، ليه اتأخرت ، كنت مع مين ، واسئلة اخرى من هذه النوعية حتى يرتبك ويتلعثم وميعرفش يرد .

5- اهملى البيت والاولاد ،، لا تنظيف ولا ترتيب ، ولا مراجعة دروس الاولاد . واذا تذمر اعملى نفسك مريضة .

6- افتعلى خناقة كل يوم ، عند وصوله للبيت ، وهكذا تضمنين راحة البال ونومة هنية .

7- افشى اسرارة للجميع ، وتحدثى عن كل شاردة وواردة ، بمعنى افضحيه .

8- بددى امواله بكل ما أوتيت من قوة ، على كل شىء : الاكل ، السفر ، العزايم ، اى طريقة لصرف الفلوس .

9- الفطور يكون بيض بايت من العشـا .

10- الغدا رز ابيض مع ملح زيادة علشان يرفع ضغطه .

11- لا تطلبى منه اى فلوس الا وقت الاكل ، علشان تسدى نفسه .

12- لا تحلو لك نظافة البيت الا وهو موجود علشان تقرفيه بالغبار .. أو فى مواعيد راحته ، علشان مايعرف يرتاح .

13- تكلمى بالهاتف بالساعات ، علشان الفاتورة تيجى كتيرة ، وياليت بالمحمول لان الارضى ارخص .

14- صدعى دماغه كل يوم ، عايزة اروح عند أمى ،، او عند اختى . وتمسكى له بأى غلطة .

15- عيريه باختك أو اخته ، او جارتك ،، شوف فلانه ايش جاب لها زوجها ، على عيد ميلادها ، ولا السيارة الى اشتراها زوج اختك لها ، ولا الخاتم الالماس اللى بيد جارتنا .

16- تعطرى له بالبصل والثوم ، والخل واذا ماعجبه خليه يطلع ينام فى الصاله ، لان الراجل بيبقى منظره حلو ورائع وهو نايم على الارض او على الكنبة فى الصالة .

17- اعتنى بنظافة ملابسه من اى نقود قد يكون نسيها فى جيوبه ، أو أى اوراق تدينه ، وتستعملينها كورقة ضغط عليه ـ اذا دعت الحاجة .

18- ودعيه وهو ذاهب الى عمله بوضع كفك فى كفه ، وبها ورقة بالمطالب التى يجب ان يأتى بها عند عودته للبيت ، مع بعض التحذيرات والتنبهات عما يمكن ان يحدث له لو انه نسى يجيب الطلبات .

19- اظهرى انزعاجك الشديد حين يمرض ، ولا تنسين اذا قال شىء ، او جيبى ، او حطى ، ان تقولين ( أوف ) بنفخة قويه ، لان معنى ذلك انه هياخد اجازة من عمله ويقعد فى البيت وانت تمرضيه ، وتخدميه ، واشعرية بتقل هذه المهمة حتى تضيفى عليه التعب النفسى بالاضافة الى التعب الجسدى .

20- اذا اشترى لك أو للاولاد هدية او شىء فابتسمى ابتسامة سخرية واسعة وقولى بلا تردد ( ياما جاب الغراب لامه ) ولاتنسى تقولى باستهزاء : وليه تاعب نفسك ياحبيبى .

وهناك الكثير من الامور الاخرى التى تسهم فى التنكيد على الزوج ، انتم تعرفونها اكثر منى ..

مع تمنياتى بحياة زوجية ســعيده وهانئة ...!!!!